Hlusta hér Beint/Live

Fimm enn í gæsluvarðhaldi grunaðir um að spila jólalög

5-sveinarAllir fimm sakborningarnir í stóra Helgu Möller-málinu svokallaða neita sök. Þeir eru sakaðir um að hafa byrjað að spila jólalög í nóvember og einn þeirra er einnig sagður hafa verið byrjaður að skipta um perur í útijólaseríu. Þeir eru ákærðir fyrir stærstu brot á hátíðarhöftum sem eru til meðferðar hjá yfirvöldum.

Mennirnir eru sakaðir um að hafa í sameiningu verið komnir í jólaskap allt of snemma með þeim afleiðingum að fjöldi fólks varð pirrað. Stemningin var samkvæmt ákæru rekin í nafni hátíðarandans.

Hinir ákærðu hafa allir setið í gæsluvarðhaldi síðan í byrjun nóvember vegna almannahagsmuna en saksóknari telur víst að verði þeim sleppt muni þeir byrja að kaupa jólagjafirnar og baka piparkökur.

Hæstiréttur staðfesti á föstudaginn gæsluvarðhaldsúrskurði yfir mönnunum en allir höfðu þeir kært úrskurð héraðsdóms til Hæstaréttar.

Leave a Reply

FM sendar

Höfuðborgarsvæðið.
Akureyri
Ísafjörður
Akranes
Egilstaðir
Reykjanesbær